काठमाडौं, बैशाख २८

नेपाल कम्युनिस्ट पार्टी (नेकपा)का नेता प्रदीप नेपालले सीमाका विषयमा सन् २००२ पछि गठन भएका सरकारमा रहेका व्यक्तिले नबोलेकै राम्रो भएको बताउनु भएको छ । पछिल्लो समय मिडियामा खपत हुने गरी बोल्ने प्रवृति रहेकोतर्फ औल्याउदै उहाले सन् २००२ पछिका प्रधानमन्त्री, परराष्ट्रमन्त्री र गृहमन्त्रीलाई सीमाबारे नबोल्न आग्रह गर्नुभएको हो ।

उहाले आफु पदमा हुँदा सिमाका विषयमा केही नबोल्ने र अहिले चर्को स्वरमा कराउनुको कुनै अर्थ नहुने स्पष्ट पार्नुभयो । सामाजिक सञ्जालमा छोटो टिप्प्णी गर्दै नेता नेपालले लेख्नु भएको छ, ‘सन् २००२ यताका प्रधानमन्त्री, परराष्ट्रमन्त्री, गृहमन्त्री भएका महानुभावहरुले लिपुलेक सडकको बारेमा नबोल्नु नै उचित हुन्छ ।’