काठमाडौँ, बैशाख २९
पूर्वप्रधानमन्त्री एंव नेकपाका वरिष्ठ नेता माधव कुमार नेपालले सीमामा सधै विवाद गरिरहनु भन्दा काँडेतार लगाउन उचित हुने बताउनु भएको छ । उहाले भारतसँग पटक पटक सीमा विवाद गरिरहनु भन्दा काँडेतार लगाउनु नै उचित भएको बताउनु भएको हो ।
संसदको अन्तर्राष्ट्रिय सम्बन्ध समितिमा सोमबार बिहानको भएको छलफलमा उहाले नेपालले अब आफ्नो सीमाको नियमन र नियन्त्रणमा जानुपर्ने बेला आएको पनि स्पष्ट पार्नुभयो । नेता नेपालले अब लिपुलेकका विषयमा चीनसँग पनि कुरा गर्नुपर्ने बेला आएको बताउनु भयो । ‘दुवै देशसँग कुरा गरेर सीमाको विवाद सुल्झाउन सरकारले तत्काल प्रयास थाल्नुपर्छ । अनि आफ्नो सीमामा भवन निर्माण गर्ने र सुरक्षाकर्मी राख्ने उचित प्रबन्ध गर्नुपर्छ’, नेता नेपालको भनाई छ ।
उहाले नेपालमा भारतविरोधी भावना बढेकोमा भारतीय शासकहरुमा चिन्ता बढेको देखिने भन्दै नेपालको भूमिमाथि नै दावा गर्ने भारतका कामले यस्तो भएको पनि बताउनु भयो । ‘सानो छिमेकी राष्ट्रप्रति भारतको धारणा ठीक छैन कि भन्ने गम्भीर आशंका भएको छ । नेपाल र भारतबीचमा भएका सन्धिलाई भारतले उल्लंघन गरेको छ । नेपालको सार्वभौमिकतामाथि हस्तक्षेप गरेको छ’, उहाले भन्नुभयो ।
प्रतिक्रिया दिनुहोस्