नयाँ दिल्ली, साउन २९
कोरोना भाइरस रोगको संक्रमणमा पर्नुभएका भारतका पूर्वराष्ट्रपति प्रणव मुखर्जी कोमामा जानुभएको अस्पतालले जानकारी दिएको छ । ८४ वर्षका मुखर्जीलाई सोमबार कोरोना पुष्टि भएको थियो । उहाँको उपचार गरिरहेको शैन्य अस्पतालले मुखर्जीको अवस्था चिन्ताजनक रहेको, मुख्य सूचकांक स्थिर रहेको र भेन्टिलेटरको सहयोगमा उपचार चलिरहेको जानकारी विज्ञप्ति मार्फत दिएको छ ।
साथै उहाँको स्वास्थ्य अवस्थामा कुनैपनि सुधार नआएको उपचारमा संलग्न चिकित्सकहरुले बताएको भारतीय सञ्चारमाध्यमहरुले जनाएका छन् । आकस्मिक रुपमा मष्तिष्क शल्यक्रियाका लागि अगस्ट १० मा शैन्य अस्पतालमा भर्ना गरिएको थियो । शल्यक्रियापछि मुखर्जीको अवस्था बिग्रँदै गएको जानकारी अस्पतालले गराएको थियो ।
प्रतिक्रिया दिनुहोस्