११ माघ २०७७, आईतबार ००:००

ताजा जनादेशपछि समृद्ध राष्ट्र निर्माण गर्ने अभियानले तीव्रता पाउनेछ : सञ्चारमन्त्री गुरुङ


काठमाडौं, माघ ११ । सञ्चार तथा सूचना प्रविधिमन्त्री पार्वत गुरुङले मुलुकलाई समृद्ध बनाउने अभियानलाई गति दिन ताजा जनादेशका लागि निर्वाचनमा जाने निर्णय गर्नुपरेको बताउनु भएको छ । सरकारका प्रवक्तासमेत रहनुभएका मन्त्री गुरुङले मुलुकलाई सही बाटोबाट अघि बढाउन पनि प्रतिनिधिसभा विघटन गरी अघि बढनुपर्ने अवस्था आएको प्रष्ट पार्नुभयो ।

उहाँले चुनावमा जाने निर्णय सही भएको उल्लेख गर्दै निरास नहुन कलाकार, पत्रकार, साहित्यकार सबैलाई आह्वा पनि नगर्नु भयो । ‘राष्ट्रिय राजनीतिको वर्तमान अवस्थाबाट निरास नहुन म कलाकार, साहित्यकार सबैलाई आग्रह गर्दछुु,’ शुभकामना मिडिया प्रालिले काठमाडौंमा आज आयोजना गरेको कार्यक्रममा बोल्दै मन्त्री गुरुङले भन्नुभयो, ‘निर्वाचनपछि मुलुुकले गति लिनेछ, ताजा जनादेशपछि समृद्ध राष्ट्र निर्माण गर्ने अभियानले तीव्रता पाउनेछ ।’

उहाँले नेपाल राष्ट्रलाई विश्व समूदाय माझ चिनाउने प्रयासमा कमी आउन नदिन पनि कलाकार, साहित्यकारहरुलाई पटक पटक आग्रह गर्नु भयो । राष्ट्र, राष्ट्रियता र मुलुकको समृद्धिका लागि कलाकार, पत्रकार, साहित्यकारहरुले महत्वपूूर्ण योगदान पुर्याएको उल्लेख गर्दै मन्त्री गुरुङले उनीहरुलाई राज्यले गर्ने सम्मानमा कमी आउन नदिने प्रतिवद्धता व्यक्त गर्नु भयो ।

मन्त्री गुरुङले देश र जनताप्रति योगदान गर्नेहरुलाई जोकोहीले पनि सम्मान गर्ने स्मरण गराउनु भयो । कार्यक्रममा गीतकार उन्नति बोहरा शीलालाई ‘लाईफटाईम अचिभमेन्ट अवार्ड’बाट सम्मान गरिएको थियो ।

Quick Links