काठमाडौँ , भदौ ३१। नेकपा माओवादी केन्द्र निकटका ५१ प्रतिशत भन्दा बढी कर्मचारी नेकपा एमाले निकटको संगठनमा एकीकृत हुने भएका छन । नेपाल राष्ट्रिय कर्मचारी सङ्गठनका उपाध्यक्ष अम्बिका धमला र महासचिव प्रभातप्रसाद साहसहित केन्द्रीय कमिटीका एक सय भन्दा बढी नेपाल निजामति कर्मचारी संठनमा एकीकृत हुन लाग्नुभएको हो । नेपाल निजामति कर्मचारी संंगठनका अध्यक्ष केदार देवकोटाले १९९ जनाको केन्द्रीय कमिटीमा १०० जना भन्दा बढी सदस्य संगठनमा एकीकृत हुने पक्का भएको जानकारी दिनुभयो । उहाँले असोज २ मा हुने राष्ट्रिय भेला मार्फत एकीकृत हुने विषयमाको औपचारिक घोषणा हुने समेत बताउनुभयो ।