काठमाडौं, असार २५

प्रधानमन्त्री केपी शर्मा ओली तथा सत्तारुढ नेकपाको राष्ट्रवादमा भ्वाङ परेको बताउने नेपाली कांग्रेसका सेलिब्रेटी नेता गगन थापाले अमेरिकी दूतावासमा नेपाल सम्वन्धि सुचना दिने गरेको खुलेको छ । थापालाई अमेरिकाको एउटा पुरानो प्रतिवेदनले नाम नै किटान गरेर नेपालको मुख्य सम्पर्क सुत्र बनाएको खुलाएको हो ।

सन् २००८ मा ‘Nepal: Countdown continue: 38 Days till CA Elections’ शिर्षकमा तयार पारिएको प्रतिवेदनमा गगन थापालाई ‘Key Embassy Contact’ भनिएको छ । यो प्रतिवेदन अमेरिकी दूताबासका तत्कालिन डिपुटी चिफ अफ मिसन ¥याण्डी बेरीले तयार पारेका हुन् । संयोगले उहा अहिले नेपालका लागि अमेरिकी राजदूतका रुपमा जिम्मेवारी सम्हालिरहनु भएको छ । यो प्रतिवेदन त्यति बेलाको हो, जतिबेला नेपालमा पहिलो संविधान सभाको निर्वाचन भईरहेको थियो । त्यस बेला तत्कालिन नेकपा माओवादीको केन्द्र वरिपरि राजनीति घुमिरहेको थियो । सो समयमा नेपालका महत्वपूर्ण सूचना लिन अमेरिकी दूतावासले गगन थापाको सहयोग लिएको प्रतिवेदनमा उल्लेख छ ।

थापालाई नेपाली कांग्रेसको मूख्य सम्पर्क सुत्रका रुपमा प्रयोग गरेर नेपालमा पहिलो संविधानसभाको निर्वाचन हुनुभन्दा पहिला तयार पारिएको प्रतिवेदनमा नेपाली कांग्रेसले राम्रो नतिजा ल्याउन नसक्ने उल्लेख गरिएको छ । तत्कालिन प्रधानमन्त्री गिरिजाप्रसाद कोइराला बूढो र कमजोर भएकाले चुनावी सभालाई सम्बोधन गर्न नसक्ने र विद्यार्थी संगठनको पनि पार्टीप्रति मोहभंग भएकाले कांग्रेसले राम्रो नतिजा ल्याउन नसक्ने बताएको प्रतिवेदनमा उल्लेख छ ।

प्रतिवेदन अनुसार कांग्रेसले चुनाव टार्न हतकण्डा अपनाउन सक्ने उल्लेख गरिएको छ । आफु कमजोर हुन सक्ने अवस्था देखेपछि कांग्रेसले संविधान सभाको निर्वाचन टार्न विभिन्न हतकण्डा अपनाउन सक्ने उल्लेख गरिएको छ । यद्यपी थापाले मधेशी जनअधिकार फोरमले समानुपातिक चुनावको लागि सूची दर्ता गराइ सकेपछि भने चुनाव टार्न त्यत्ति सजिलो नभएको उल्लेख गरिएको छ । नेता थापाले नेपाली कांग्रेसले मधेशीलाई धेरै नै अधिकार दिएको भनेर तराईमा रहेका पहाडीमूलका मानिस असन्तुष्ट रहेकोले उनीहरुले नेकपा एमालेलाई भोट दिन सक्ने सूचना पनि दिएको प्रतिवेदनमा उल्लेख गरिएको छ ।

यस्तो छ अमेरिकी प्रतिवेदन