जनता टाइम्स

३२ असार २०७९, शनिबार १६:३९

ललित मोदीसँगको अफेयरपछि फेरि चर्चामा सुस्मिता, यी हुन बलिउड सुन्दरीका एक दर्जन पूर्वप्रेमी


मुम्बई, असार ३२ । भारतीय अभिनेतृ सुस्मिता सेनसँगको अपेयरबारे आईपीएलका पूर्वअध्यक्ष ललित मोदीले बिहीबार सम्बन्ध खुसाला गरेपछि सेन पुन चर्चामा आएकी छन । मोदीले तस्व्रिसहित सुस्मितासँग आफ्नो सम्बन्ध रहेको खुलासा गरेका हुन ।

मोदीले सुस्मितासँग छिट्टै विवाह गर्ने घोषणा पनि गरेका छन् । यो खबर बाहिर आएपछि सुस्मिता ललित सामाजिक सञ्जालमा भाइरल बनेका छन । सुस्मिताभन्दा ललित ९ वर्ष जेठा हुन । मोदीले सार्वजनिक गरेको तस्विर सुस्म्तिा आफैले सेल्फी खिचेको देखिन्छ ।

सुस्मिताले केही महिनाअघि रोहमन शालसँग ब्रेकअप गरेकी थिइन् । रोहमनअघि पनि सुस्मिताको झण्डै एक दर्जन ब्यक्तिसँग अफेयर भइसकेको अन्तर्राष्ट्रिय सञ्चरमाध्यमले जनाएको छ ।

विक्रम भट्ट

सुस्मिताको फिल्म निर्देशक विक्रम भट्टसँग अफेयर रहेको खबर बाहिरिएको थियो ।

फिल्म ‘दस्तक’को सुटिङका ​​क्रममा यी दुईको पहिलो भेट भएको र त्यही समयमा दुवैले एकअर्कालाई डेट गर्न थालेको बताइएको छ । अन्तराष्ट्रिय समाचार एजेन्सीका अनुसार अभिनेत्रीको विक्रमसँग विवाहेत्तर सम्बन्ध थियो, जुन केही समयपछि ब्रेकअप भयो ।

रणदीप हुड्डा

सुस्मिताको नाम रणदीप हुड्डासँग पनि जोडिएको छ । दुबैले करिब तीन वर्ष एक(अर्कालाई डेट गरेका थिए । दुबैको अफेयरको निकै चर्चा भएको थियो ।

ब्रेकअपपछि एक अन्तर्वार्तामा रणदीपले सुस्मितासँगको सम्बन्धलाई आफ्नो जीवनको सबैभन्दा बेकार समय भनेका थिए । रणदीप अभिनेत्रीभन्दा एक वर्ष कान्छा छन् ।

वसीम अक्रम

मिडिया रिपोर्टका अनुसार सुस्मिताको पाकिस्तानी पूर्वक्रिकेटर वसीम अक्रमसँगको अफेयरको खबर पनि बाहिर आएको थियो । दुवैले बिहे गर्न लागेको चर्चा पनि थियो ।

बंटी सजदेह

सुस्मिताको नाम उनका पूर्वम्यानेजर बंटी सजदेहसँग पनि जोडिएको छ । बंटी अभिनेत्रीभन्दा करिब २ वर्ष कान्छा छन् ।

मुदस्सर अजिज

निर्देशक मुदस्सर अजीज पनि सुस्मितासँग अफेयर भएकामध्ये एक थिए । सुस्मिताले निर्देशकको रुपमा मुदस्सरको पहिलो फिल्म ‘दुल्हा मिल गया’ मा काम पनि गरेकी थिइन् । जुन फ्लप भएको थियो ।

इम्तियाज खत्री

सुस्मिता र इम्तियाज खत्रीको प्रेम जीवनको पनि निकै चर्चा भएको थियो । इम्तियाज उमेरमा सुस्मिताभन्दा १४ वर्ष कान्छा छन् । मिडियामा उनीहरुको अफेयरको निकै चर्चा भएको थियो ।

सञ्जय नारङ

अभिनेत्रीको लामो समयदेखि होटल सञ्चालक सञ्जय नारङसँग अफेयर थियो ।

सुस्मिताले नारङसँगको सम्बन्ध सामाजिक सञ्जालमार्फत आधिकारिक रुपमा सार्वजनिक गरेकी थिइन् । उनले यो सम्बन्धलाई सुन्दर भनेकी थिइन् । दुवैले बिहे गर्ने खबर पनि आएको थियो । तर, त्यो हुन सकेन र उनीहरु छुट्टिए ।

ऋतिक भासिन

सुस्मिताको नाम रेस्टुरेन्ट मालिक ऋतिक भासिनसँग पनि जोडिएको छ । रिपोर्टका अनुसार ऋतिक अभिनेत्रीभन्दा करिब २ वर्ष कान्छा छन् ।

दुवैको अफेयर करिब ४ वर्षसम्म चलेको थियो । यसै क्रममा जहीर खान र सागरिका घाटगेको विवाहको रिसेप्शनमा पनि दुबै सँगै थिए ।