रामेछाप, साउन ९

रामेछापको रामेछाप नगरपालिका–३ साँघुटार बजारमा भीषण आगलागी हुँदा ४ घर जलेर सखाप भएका छन् । साँघुटारमा भएको आगलागीमा बजारको चार घर जलेर सखाप भएको प्रहरीले जनाएको छ । प्रहरीका अनुसार विद्युत सर्ट भएर आगलागी हुन सक्ने अनुमान गरिएको छ ।

बिहान करिव सात बजेतिर लिखुखोला छेउको पक्‍की पुल नजिकै रहेको सिंहदेवी निर्माण सेवाको स्टोरबाट सल्कीएको आगोले अंकित श्रेष्ठ, राजन सुवेदी, अनिष थापा र हरिमाया थापाको घर जलेर सखाप भएको हो । स्थानीयहरुको प्रयासमा आगो बिहान ११ बजे नै नियन्त्रणमा आएको थियो । गोदाममा ग्यास तथा पेट्रोल र डिजेल समेत रहेकोले आगो केही बेरमा नै फैलिएको थियो ।