एजेन्सी, १४ भदौ । इराकमा एउटी छोरीलाई आफ्नी आमालाई जबरजस्ती मृत्युदण्ड दिन बाध्य पारिएको छ । यी छोरीलाई आमा उभिएकी कुर्सीलाई धकेल्न भनियो र त्यसपछि उनी फाँसीमा झुन्डिन्।

इरानका शासकद्वारा पुनः एकपटक क्रूर सजायको यो घटनाले सबैको हृदय छियाछिया भएको छ। यी महिलाको नाम मरियम करीमी रहेको बताइएको छ र १३ वर्षअघि श्रीमानको हत्या गरेको अभियोगमा उनलाई मृत्युदण्ड दिइएको थियो । सधैं कुटपिट र यातना दिने श्रीमानको हत्या यी महिलाले गरेकी थिइन ।

के थियो कुरा
स्थानीय सञ्चारमाध्यमका अनुसार यी महिलाका श्रीमान् उनीसँग सम्बन्धविच्छेद गर्न पनि तयार थिएनन् । युवतीका बुबा इब्राहिमले छोरीलाई सम्बन्धविच्छेद गर्न धेरै पटक मनाउने प्रयास गरे तर उनी मानेनन् । यसपछि बाबुले छोरीलाई श्रीमानको हत्या गर्न सहयोग गरे । दुवै पक्राउ परे तर ६ वर्षीया निर्दोष छोरी हजुरबा हजुरआमासँग बस्न बाध्य भइन् ।

हजुरआमाले आफ्नी नातिनीलाई उनी अनाथ भएको बताएर्का थिइनन्। मरियमलाई फाँसी दिइनुभन्दा केही साताअघि उनीबाट लुकाइएको सत्य उनको सामु आयो । छोरीको उमेर अहिले १९ वर्ष भइसकेको छ । यसै वर्ष मार्च १३ मा छोरीले आफ्नी आमालाई इरानको राष्ट सेन्ट्रल जेलमा फाँसी दिएकी थिइन् ।

आमासँग माफी माग्न अस्वीकार
छोरीले मरियमको खुट्टामुनिबाट उभिएकी कुर्सी तानेकी थिइन्। इरान इन्टरनेशनल टिभीको रिपोर्टका अनुसार छोरीले आमालाई माफ गर्न वा ब्लड मनी स्वीकार गर्न अस्वीकार गरेकी थिइन् ।

मरियमलाई बदला लिएको आरोप लगाइएको थियो, जसलाई इरानमा किसासको नामले चिनिन्छ। किसास अन्तर्गत, मृत्युदण्डको समयमा पीडितको बच्चा उपस्थित हुनुपर्छ र उनीहरूलाई आफैले सजाय पूरा गर्न प्रोत्साहित गरिन्छ।

इरानका मानवअधिकार संगठनहरूले यसको निन्दा गरेका छन्। तिनीहरू भन्छन् कि मरियमकी छोरीबाट सत्य लुकाइएको थियो । यो कुरा बाहिर आएपछि आमालाई घृणा गर्न थालिन् । उनले किसानलाई अमानवीय पनि भनेकी छन् ।

सन् २०१९ मा किसास अन्तर्गत २२५ जनालाई मृत्युदण्ड दिइएको थियो । जसमध्ये ६८ कारागारमा पूरा भएका छन् भने बालकको हातबाट सजाय हुने ४ वटा घटना छन् । चारवटै घटनामा बालबालिका नाबालिग थिए ।