एजेन्सी, २३ भदौ । युक्रेन विरुद्ध युद्ध लडिरहेका रुसी राष्ट्रपति भ्लादिमिर पुटिनले अब आफ्नो तेलको मूल्य घटाउने तयारी गरिरहेका देशहरूलाई चेतावनी दिएका छन् । पुटिनले यस योजनामा सहभागी हुने देशलाई रुसबाट तेल र ग्यासको आपूर्ति बन्द गरिने बताएका छन् । ‘यस्तो गर्नु एकदमै मूर्खतापूर्ण निर्णय हुनेछ,’ उनले भने ।

पुटिनले प्रशान्त महासागरको बन्दरगाह सहर भ्लादिभोस्टोकमा रहेको पूर्वी आर्थिक मञ्चलाई भने– केही पश्चिमी देशहरूले विचार गरेझैं तेलको मूल्यमा कटौती गर्नु ‘पूर्ण रूपमा मूर्खतापूर्ण’ निर्णय हुनेछ । ‘यदि यो हाम्रो हित विरुद्ध कुनै निर्णय गरिए, हामी हाम्रो आर्थिक हितलाई ध्यानमा राखेर केहि आपूर्ति गर्दैनौं । ग्यास, तेल, कोइला, इन्धन, केही पनि दिदैनौं । ’

आर्थिक मन्दीको लागि तयारी गर्दै
वास्तवमा, जी ७ औद्योगिक शक्तिहरूले शुक्रबार रूसी तेल आयातमा मूल्य क्याप लागू गर्न तत्काल कदम चाल्न आह्वान गरेका छन् । युक्रेनमा मस्कोको सैन्य क्र्याकडाउनको लागि रुसी कोषको मुख्य स्रोतलाई रोक्न जी ७ ले यस्तो प्रस्ताव गरेको हो। पुटिनले रुसले आफ्नो सम्झौताको दायित्वलाई सम्मान गर्ने र अन्य देशहरूले पनि त्यसै गर्ने आशा व्यक्त गरे।

जाडो अघि युरोपमा उर्जाको मूल्य बढेको संकेत गर्दै पुटिनले रुसले विद्यमान सम्झौता बाहेक अरु केही आपूर्ति नगर्ने बताए । सबै कुरा फ्रिज गर्नेछ । यस्तै सब्सिडी मूल्यको बारेमा, पुटिनले भने, आर्थिक दृष्टिकोणबाट यो सही छ, सामाजिक दृष्टिकोणबाट यो खतरनाक छ। यसले विस्फोट हुन सक्छ। यस्तो अवस्थामा नियमलाई राम्ररी पालना गर्नु राम्रो हुन्छ ।

जी ७ के हो ?
जी ७ प्रमुख औद्योगिक राष्ट्रहरूको समूह हो जसमा क्यानडा, फ्रान्स, जर्मनी, इटाली, जापान, युनाइटेड किंगडम र संयुक्त राज्य अमेरिका समावेश छन् । यो वर्ष जर्मनी जी ७ को अध्यक्षता गर्दैछ । युक्रेन विरुद्ध युद्ध लडेपछि ती देशहरूले रुसी तेलको मूल्यमा सीमा तोक्ने तयारी गरिरहेका छन् । यसका लागि यी देशहरूले छिट्टै सम्झौताको घोषणा पनि गर्न सक्छन्।