एजेन्सी, ३१ असोज । छपरा सदर अस्पतालमा मेडिकल सर्टिफिकेट लिन जागिरका लागि आएका युवालाई त्यहाँको अव्यवस्थाको भिडियो मोबाइलमा खिच्न महँगो परेको छ ।

अस्पतालको एउटा कोठामा थुनेर दुई युवालाई नर्सले लौरोले निर्मम कुटपिट गरेका छन् । घटनाको प्रत्यक्षदर्शीहरूले भिडियो खिचेर आइतबार इन्टरनेट मिडियामा प्रसारण गरेका थिए । भिडियोमा एक नर्सले दुई युवालाई लठ्ठीले पालैपालो कुटिरहेकी छन् भने अर्कीले उनलाई साथ दिइरहेको देखिन्छ ।

दुवै युवाले बिन्ती गरिरहेका छन् तर नर्सहरूले लगातार लौरोले आक्रमण गरिरहेका छन् । भिडियोमा नर्स र यी दुई युवाको अनुहार मात्रै देखिन्छ तर अन्य केही व्यक्तिको आवाज पनि आइरहेको छ । वरपर केही व्यक्तिहरू उपस्थित भएको हुनसक्छ, जसको सुरक्षामा दुवै युवालाई नर्सहरूले कुटपिट गरिरहेका हुनसक्छन् ।

उक्त भिडियो सदर अस्पताल छपराको हो वा अन्य कुनै अस्पतालको हो भन्ने कुरा पुष्टि भएकाृे छैन ।

मेडिकल सर्टिफिकेट लिन आउका हुन्
केही युवाहरु जागिरका लागि मेडिकल सर्टिफिकेट लिन आएका थिए तर अस्पतालमा देखिएका अव्यवस्थाको भिडियो बनाउन थालेको बताइएको छ । यो स्वास्थ्यकर्मी र नर्सहरूलाई असहनीय भयो । घटनास्थलमै दुई युवालाई पक्रेर कोठामा थुनेर कुटपिट गरिएको थियो ।

भिडियो प्राप्त भएपछि जाँच हुँदै
यस सम्बन्धमा सोध्दा सिभिल सर्जन डा सागर दुलाल सिन्हाले सञ्चारकर्मीबाट घटनाको जानकारी लिएको तर भिडियो मसम्म नआएको बताए ।
भिडियो प्राप्त भएपछि जाँच गर्नेछ। उनले अहिलेसम्म प्राप्त जानकारी अनुसार नर्सको कोठामा पसेर नर्सको भिडियो बनाएका थिए । युवकले माफी मागेपछि उनीहरु रिहा भएका हुन् । यस विषयमा भगवानबजार प्रहरी चौकीमा कुनै पनि पक्षले उजुरी गरेको छैन ।