एजेन्सी, १४ कात्तिक । गुजरातको मोरबीमा आइतबार माच्छु नदीमा रहेको झोलुङ्गे पुल भत्किएको छ । यस दुर्घटनामा मृत्यु हुनेको संख्या १४१ पुगेको छ । मृतकको संख्या अझै बढ्न सक्ने बताइएको छ ।

माछा खोलामा बनेको शताब्दी पुरानो झोलुङ्गे पुल आइतबार भत्किँदा ठूलो संख्यामा यात्रु नदीमा डुबेका थिए । धेरै मानिस नदीमा ढुबेको आशंका गरिएको छ ।
गुजरातका गृहमन्त्री हर्ष सिंह सांघवीले राति एक बजेसम्म ६८ जनाको शव निकालिएको बताएका छन् । राति अबेरसम्म राहत र उद्धार कार्य जारी रहेको र धेरै मानिस बेपत्ता भएको बताइएको छ ।

यसअघि राति अबेर राति राजकोटका भाजपा सांसद मोहनभाई कल्याणजी कुण्डरियाले बीबीसी संवाददाता दिलनवाज पाशालाई अहिलेसम्म ६८ शव निकालिएको बताए । उनीहरुले मृतकको संख्या बढ्न सक्ने आशंका समेत गरेका छन् । उनी भन्छन्, ‘घाईतेको संख्या भने कम छ तर पानीमा डुबेकाहरुको खोजी कार्य जारी छ ।’ बीजेपी सांसदले यो पनि भने कि मृतक अधिकांश बालबालिका हुन सक्छन् ।

१५ मिनेटमा ५० एम्बुलेन्सलाई घटनास्थल पठाइएको कुण्डरियाले बताए । उनले भने, ‘पुलमा धेरै मानिसहरू थिए, जसको कारण पुल भत्कियो भन्ने विश्वास लिएको छु। रिपोर्टका अनुसार पुल भत्किँदा करिब ४ सय मानिस त्यहाँ थिए ।

राजकोट जिल्ला मजिस्ट्रेटको कार्यालयको आधिकारिक ट्विटर ह्यान्डलबाट यो जानकारी दिइएको छ कि मोरबीको झुल्के पुलमा दुर्घटनास्थलको लागि राजकोट जिल्लाबाट २२ एम्बुलेन्स, ७ दमकल र ६ वटा डुङ्गा पठाइएको छ। यो पुल वर्षौंदेखि बन्द थियो । यो भर्खरै मर्मतसम्भार पछि जनताको लागि पुनः खोलिएको थियो ।

यो नयाँ पुल गुजराती नयाँ वर्षमा दीपावली पछि खोलिएको थियो । दीपावलीको बिदा र आइतबारका कारण पुलमा मानिसको भीड लागेको थियो ।
यद्यपी यो शताब्दी पुरानो पुल के कारणले भत्कियो भन्ने खुल्न सकेको छैन । पुल भत्किनुको कारणबारे अनुसन्धान गर्न पाँच सदस्यीय टोली गठन गरिएको छ ।
प्रशासन अहिले उद्धार र राहत कार्यमा जुटेको छ । एनडीआरएफका महानिर्देशक अतुल करवालले समाचार एजेन्सी एएनआईलाई एनडीआरएफका तीन टोली घटनास्थलमा पठाइएको बताए । दुई टोली गान्धीनगर र एउटा बडोदाबाट पठाइएको छ ।

राज्यका मुख्यमन्त्री भूपेन्द्र पटेलले ट्वीट गर्दै भने, ‘मोरबीमा झोलुङ्गे पुल भत्किँदा म दुखी छु। अधिकारीहरूले राहत र उद्धार कार्य जारी राखेका छन्। मैले घाइतेहरूको तत्काल उपचारको व्यवस्था गर्न निर्देशन दिएको छु। म चिन्तित छु। यो हाम्रो जिल्लामा पर्छ। म प्रशासनको सम्पर्कमा छु।’

गुजरातका मुख्यमन्त्री भूपेन्द्र पटेलले दुर्घटनामा परी ज्यान गुमाएकाका आफन्तलाई ४ लाख र घाइतेलाई ५० हजार रुपैयाँ राहत दिने घोषणा गरेका छन् ।
मोरबीको माच्छु खोलामाथि बनेको यो झुल्के पुल मोरबीलाई छुट्टै पहिचान दिने उद्देश्यले आधुनिक युरोपेली प्रविधि प्रयोग गरी निर्माण गरिएको थियो ।

मोरबी सहरको आधिकारिक वेबसाइटमा दिइएको जानकारीमा यो पुललाई इन्जिनियरिङको चमत्कार भनिएको छ । १ दशमलव २५ मिटर चौडा र २३३ मिटर लामो यो पुलले माच्छु नदीमा रहेको दरबारगढ दरबार र लखधीरजी इन्जिनियरिङ कलेजलाई जोडेको थियो ।

यस दुर्घटनाको जानकारी दिँदै गुजरातका गृहमन्त्री हर्ष संघवीले साँझ ६ः३० बजे पुल भत्किएको बताए । त्यसबेला त्यहाँ १५० जना उपस्थित थिए । दुर्घटनाको जानकारी प्राप्त हुनासाथ दमकलको टोली १५ मिनेटमै त्यहाँ पुगेको थियो । यससँगै कलेक्टर, जिल्लाका एसपी, चिकित्सक र एम्बुलेन्स पनि पुगेका थियो । गृहमन्त्रीले आफू पनि तुरुन्तै घटनास्थलमा पुग्ने बताए ।।
राष्ट्रपति द्रौपदी मुर्मुले ट्वीट गर्दै घटनाप्रति दुःख व्यक्त गर्नुभएको छ् ।