बोगोटा, १८ मंसिर । कोलम्बियाको सरकार र इएलएन विद्रोही समूहबीचको शान्ति वार्ता सहमतिको पहिलो बिन्दुमा पुगेको राष्ट्रपति गुस्ताभो पेट्रोले जानकारी दिनुभएको छ । वेस्टर्न एन्टिओकिया प्रान्तको भ्रमणका क्रममा राष्ट्रपतिले उक्त जानकारी दिनुभएको हो ।

द्वन्द्वका कारण विस्थापित आदिवासी जनजातिलाई प्रदेशमा आफ्नो भूमिमा सुरक्षित फिर्ताको सुनिश्चित गर्न दुवै पक्ष सहमत भएका उहाँले बताउनुभयो । कोलम्बियामा विगत ६ दशकदेखि द्वन्द्व भइरहेको छ । वामपन्थी नेसनल लिबरेसन आर्मी (इएलएन) अन्तिम विद्रोही समूह हो, जुन अझै पनि युद्धमा सक्रिय छ ।

गत महिना नेता पेट्रोले नेता चुनाव जितेपछि तीन वर्षको अन्तरालपछि दुई पक्षबी वार्ता भएको थियो । उहाँ देशको पहिलो वामपन्थी राष्ट्रपति हो । एम १९ विद्रोही समूहका पूर्व सदस्यसमेत रहनुभएको पेट्रोले अगस्टमा राष्ट्रपतिको पद सम्हाल्नुभएको थियो । उहाँले कोलम्बियामा शान्ति स्थापना गर्ने बाचा गर्नुभएको थियो ।