एजेन्सी, २३ पुस । कडा प्रतिबन्ध लगाएको देश साउदी अरेबिया अहिले उदारवादी बन्दै गएको छ । साउदी अरेबियालाई विश्वको नजरमा ‘खुला विचारको देश’ भनेर चिनिने गरी यहाँ महिलासँग सम्बन्धित धेरै नियमहरू परिवर्तन भइरहेका छन् ।

पछिल्लो समय चर्चित फुटबलर क्रिस्टियानो रोनाल्डोलाई लिएर साउदी अरबमा एउटा कानुनको चर्चा भइरहेको छ । साउदी अरेबियाको क्लब अल नासरमा आवद्ध भएपछि रोनाल्डो र उनकी गर्लफ्रेन्ड जर्जिनाको बसाईलाई लिएर प्रश्न उठिरहेको छ । वास्तवमा, खाडी देशको कानूनले यसलाई अनुमति दिँदैन, त्यसैले आउनुहोस्, साउदी अरबमा अविवाहित जोडीहरूका लागि सँगै बस्ने नियमहरू के छन् भन्ने जानौ ः –

साउदी सरकार रोनाल्डोको लोकप्रियता, विश्वव्यापी फुटबल प्रेम र ‘मध्यम’ छविका लागि यो नियममा सम्झौता गर्न तयार भएको छ । साउदी अरबमा अविवाहित जोडीलाई सँगै बस्न निषेध गरिएको छ । यति मात्र होइन, विवाह नगरी सन्तान जन्माउनु पनि यहाँ अपराध हो । रियाद रोनाल्डोको लागि यो नियम पनि तोड्न तयार छ । सन् २०१६ देखि सँगै बस्दै आएका रोनाल्डो र जर्जिनाले दुई सन्तानलाई जन्म दिएका छन् ।

के भन्छ साउदीको कानुन ?
साउदी अरबमा विवाह नगरी एउटै छानामुनि बस्नु वा कोठा बाँड्नु अपराध हो । कुनै पनि साधारण साउदी नागरिकले यस्तो गर्नेलाई कडा सजाय दिइन्छ।
तर, सञ्चारमाध्यमसँग कुरा गर्दै साउदीका वकिलहरूले पहिलेको जस्तो कडाइका साथ कानुन लागू नभएकाले नियमलाई खुकुलो पारिएको बताए । वकिलहरूले भनेका छन् कि अब देशमा दम्पतीहरूलाई विवाह बिना सँगै बस्न अनुमति दिइएको छ।

तर, आपराधिक क्रियाकलापमा संलग्न वा शंका लागेमा कारबाही हुन्छ । सन् २०१९ मा साउदी अरबले ठूलो नियम परिवर्तन गरेको थियो । त्यसपछि अविवाहित विदेशी जोडीहरूलाई होटलमा कोठा बाँड्न अनुमति दिइयो । साउदी सरकारले अहिले नयाँ भिसा नियम सार्वजनिक गरेको छ ।