एजेन्सी, २५ फागुन । अमेरिकी र्‍यापर कान्ये वेस्टसँगको साझेदारी टुटेपछि एडिडासका लागि कठिन भएको छ । एडिडासले कान्ये वेस्टसँग एजी सिरिज शृङ्खलाका जुत्ताहरूका लागि साझेदारी गरेको थियो ।

तर, साझेदारी टुटेपछि कम्पनीले आफ्नो १.२ बिलियन युरो (१ बिलियन पाउण्ड) को यजी जुत्ताको स्टकलाई के गर्ने भन्ने अन्योलमा परेको छ। यद्यपि, कम्पनीले यो पनि महसुस गर्छ कि यसका ग्राहकहरू कान्ये वेस्टको यहुदी विरोधी टिप्पणीबाट प्रभावित हुने छैनन् र अझै पनि उनीसँग सम्बन्धित ब्रान्डबाट सामानहरू किन्न सक्छन् ।

एडिडासका सीईओ ब्योर्न गुल्डेनले कम्पनीले स्टक बेचेर नाफालाई परोपकारका लागि प्रयोग गर्न खोजिरहेको बताए। उक्त स्टक जलाउने विकल्प अस्वीकार गरिएको उनले बताए । यी जुत्ता सित्तैमा दिनु पनि अलि अप्ठ्यारो भएकोले यो जुत्ता महँगोमा बिक्री हुने प्रमुख कार्यकारी अधिकृतले बताए ।

कान्ये वेस्टमा बाइपोलर डिसअर्डरको रोग छ । उनले पेरिस फेसन वीकमा ‘ह्वाइट लाइभ्स म्याटर’ टी–शर्ट देखाए, जसको कडा विरोध भएको थियो। केही दिन पछि, उनले ट्विटरमा यहुदी विरोधी भनाईहरू पोस्ट गरे ।

त्यसपछिको ब्यापक विरोध र कोलाहलको कारण, एडिडासले कान्ये वेस्टसँगको आफ्नो नौ वर्षको साझेदारी तोड्यो। एडिडासका अनुसार यो साझेदारी तोडिएपछि कम्पनीले तीन महिनामा ६० करोड डलर गुमाएको छ ।