एजेन्सी, ८ जेठ । दक्षिण अमेरिकी देश गुयानामा रहेको एक गर्ल्स होस्टेलमा आइतबार राति आगलागी भएको छ । एएफपीका अनुसार दुर्घटनामा २० छात्राको मृत्यु भएको छ । यद्यपि यो संख्या बढ्न सक्छ। धेरै मानिसहरु घाइते भएको खबर पनि आएको छ । आगलागीको कारण अहिले खुलेको छैन ।

स्थानीय सञ्चारमाध्यमका अनुसार मध्य गुयानाको महिदा सहरको एक विद्यालयको छात्रावासमा आगलागी भएको हो । दुर्घटना हुँदा छात्राहरु सुतिरहेका थिए । घटनास्थलमा उपस्थित अधिकारीहरुका अनुसार धेरै छात्राहरु अझै पनि भित्र फसेका छन् ।

दुर्घटनाका केही तस्विर र भिडियो सामाजिक सञ्जालमा भाइरल भइरहेका छन् । यसमा दमकल र एम्बुलेन्स घटनास्थलमा रहेको देख्न सकिन्छ । घाइतेहरुलाई उपचारका लागि अस्पताल लगिएको छ ।