जनता टाइम्स

१९ श्रावण २०८१, शनिबार ११:३७

काभा बिच भलिबलको फाइनलमा पुग्यो नेपाल


काठमाडौं, साउन १९ । नेपालको महिला राष्ट्रिय बिच भलिबल टोली काभा बिच भलिबल च्याम्पियनसिपको फाइनलमा पुगेको छ । भुटानमा जारी प्रतियोगितामा कमला पुन र मनिषा चौधरीको जोडीले फाइनलको यात्रा तय गरेको हो ।

भुटानको राजधानी थिम्पुमा आज भएको सेमिफाइनल खेलमा पुन र चौधरीको जोडीले उज्वेकिस्तानका खेलाडीलाई २–० सोझो सेटमा पराजित गरेको हो । नेपालले उज्वेकिस्तानलाई २१–१३ र २१–१२ अङ्कले हराएको हो ।

यस्तै पुरुषतर्फ मानबहादुर श्रेष्ठ र दिलबहादुर सुनारको जोडीले आजै माल्दिभ्ससँग सेमिफाइनल खेल खेल्दै छ । उक्त प्रतियोगितामा पुरुषतर्फ १० तथा महिलातर्फ सात टोली सहभागी छन् ।