काठमाडौं, २३ साउन । नेपाल खेलकुद महासंघले एक समारोहबिच निवर्तमान इन्चार्ज कर्ण बहादुर थापालाई बिशेष धन्यवादसहित विधाई गर्दै नव नियुक्त इन्चार्ज क. जगन्नाथ थपलियालाई संगठनमा स्वागत गरेको छ ।

नेकपा एमालेको सचिवालय बैठकबाट थपलियालाई नेपाल खेलकुद महासंघको इन्चार्ज जिम्मेवारी दिईएको थियो । बागमती प्रदेशसभाका पूर्व (अर्थ मामिला मन्त्रि) समेत रहनुभएको जगन्नाथ थपलिया नेकपा एमाले केन्द्रिय सदस्य एवं बागमती प्रदेश सभाको संसदीय दलको नेता पनि हुनुहुन्छ ।

कार्यक्रमको अध्यक्षता संगठनका अध्यक्ष क. पर्शुराम बस्नेतले गर्नुभएको थियो । कार्यक्रममा संगठनका उपाध्यक्षहरु, महासचिव,  सचिव, कोषाध्यक्षलगायत संगठनका विभिन्न कमिटीमा आबद्ध सदस्यहरुको उल्लेख्य उपस्थिति रहेको थियो ।