काठमाडौं, असोज २७
गैरआवासीय नेपाली संघको महाधिबेशन एवम् विश्व सम्मेलन यही अक्टोबर १५ देखि १७ तारिखसम्म काठमाडौँको होटल हायातमा हुँदैछ । यो सम्मेलनले ८० देशभन्दा बढीका प्रतिनिधिहरूको सहभागितामा नयाँ नेतृत्वको चयन गर्नेछ । यस अधिवेशनमा आगामी कार्यकालको लागि अष्ट्रेलियामा बसोबास गर्ने समाजसेवी धर्मराज अधिकारीले उम्मेद्वारी दिनुहुने भएको हो ।
नेपालबाट अध्ययन र व्यापारको सिलसिलामा अष्ट्रेलिया पुग्नुभएका अधिकारी एनआरएनएको अन्तर्राष्ट्रिय अभियानमा त्यहीँबाट समर्पीत भएर लाग्नुभएको हो । अस्ट्रेलियाबाटै यस अभियानमा पाइला सार्नुभएका उहाँले चुनावी अभियानको क्रममा विभिन्न देशमा गएर माहौल बनाउनुभएको छ । विभिन्न देशमा रहेका नेपालीका सुख दुखसँग साक्षात्कार रहनुभएका अधिकारी समाजसेवी पनि हुनुहुन्छ ।
अधिकारीले नेपाल सरकारले घोषणा गरेको पर्यटन बर्ष सफल बनाउन एनआरएनको भूमिका महत्वपूर्ण बनाउने देखि दोहोरो नागरिकतामा स्पष्टता, एनआरएन लगानीको सहजता र सुरक्षा, नेतृत्वको प्रभावकारिता र दक्षता, नलेज एण्ड इनोभेसन सहित नेपाल सरकारले भर्खरै घोषणा गरेको ब्रेन गेनका विषयलाई प्रमुख एजेण्डाको रुपमा अघि सार्नुभएको छ ।
प्रतिक्रिया दिनुहोस्