काठमाडौं, कात्तिक १०

लोकप्रिय हास्यब्यंग्य कवि शैलेन्द्र सिंखडाले सिस्नुपानी नेपालले देउसी भैलीबाट ‘माथीको आदेश’ भन्दै हटाएको भनेर हौवा फिजाएको खुलेको छ । सिस्नुपानी नेपालका मनोज गजुरेलले सिंखडालाई तार्किक रुपमा त्यसको जवाफ दिनु भएको छ ।

सरकारविरुद्ध विभिन्न ब्यंग्य गर्दै आउनु भएका गजुरेलले कसैको आदेश नभई टोलीकै सदस्यले प्यारोडी गाउने भएपछि उहालाई सहभागी गराउन नसकेको स्पष्ट पार्नुभएको छ । ‘शैलेन्द्र भिनाजु (म भिनाजु भन्ने गर्छु) हाम्रो सहकर्मी, सहयोगी र सुभेच्छुक हो तर संस्थाको सदस्य हुनुहुन्थेन । गतबर्ष पनि उहांको सहभागिता रहेन । सिस्नुपानी देउसीमा उहा“ २ पटक सहभागी हुनुभयो जुन दर्शकले अत्यन्तै मन पराउनु भयो । यस पटक भने प्यारोडी यमन श्रेष्ठ (मदनकृष्ण सुपुत्र) र कविता संस्थाकै उपाध्यक्ष अर्जुन पराजुलीले भन्ने भएपछि शैलेन्द्र भिनाजु छुट्नु भयो । नछुटेको भए सुनमा सुगन्ध हुन्थ्यो । कुरो यति हो ’, गजुरेलले भन्नुभयो ।

यस्तो छ गजुरेलले समाजिक सञ्जालमा सिंखडालाई दिनुभएको जवाफ

लोकप्रिय हास्यब्यंग्य कवि शैलेन्द्र सिंखडा र सिस्नुपानी देउसीका सन्दर्भमा तपाईंहरुको चासो, गुनासो र सुझावका लागि धेरै धन्यवाद ।

लामो समयदेखी बिभिन्न मञ्चमा उहा र म काम गर्दै आएका छौं । अस्ती भर्खर प्रदेश–प्रदेशको गाईजात्रामा सगै थियौं । भोलीपनि सहकार्य जारी रहने अपेक्षा गर्दछु । जहासम्म आजको सिस्नुपानी देउसीको प्रसंग छ, शैलेन्द्र भिनाजु (म भिनाजु भन्ने गर्छु) हाम्रो सहकर्मी, सहयोगी र सुभेच्छुक हो तर संस्थाको सदस्य हुनुहुन्थेन । गतबर्ष पनि उहांको सहभागिता रहेन । सिस्नुपानी देउसीमा उहा २ पटक सहभागी हुनुभयो जुन दर्शकले अत्यन्तै मन पराउनु भयो । यस पटक भने प्यारोडी यमन श्रेष्ठ (मदनकृष्ण सुपुत्र) र कविता संस्थाकै उपाध्यक्ष अर्जुन पराजुलीले भन्ने भएपछि शैलेन्द्र भिनाजु छुट्नु भयो । नछुटेको भए सुनमा सुगन्ध हुन्थ्यो । कुरो यति हो ।

जहासम्म ‘माथीको दबाब’को कुरा छ, संस्थागत रुपमा कसैको दबाब आएको थाहा छैन । मलाई ब्यक्तिगत रुपमा कसैले आदेश दिने कुरै भएन किनभने म जनमतको कदर गर्दै अन्तरमनको आदेशले चल्ने गर्छु । दर्शकले दिनु हुने सम्यक सुझाव, स्वस्थ आलोचना र अथाह माया नै मेरो ब्यंग्य शक्तिको श्रोत हो ।

म राम्रोलाई राम्रो भन्छु । नराम्रोलाई नराम्रो भन्छु । यदि कुनै छिद्रबाट त्यस्तो कुनै ‘दबाब’ वा ‘आदेश’ आएको थाहा पाएका दिन म त्यहा रहने छैन । मलाई न कुनै पदमा जानुछ । न राजनैतिक नियुक्ती खानुछ । न केही पदकको अपेक्षा छ ।

सबैलाई थाहा छ– प्रायः पार्टी र सत्ताको चरित्र एउटै हुन्छ । उनिहरु शुरुमा प्रभावमा पार्न खोज्छन् । प्रभावले काम नगरे दबाब दिन्छन् । त्यसले पनि नभए बदनाम गर्छन् र सिध्याई दिन्छन् । यस कुरामा सबै श्रष्टा सधैं सचेत हुनुपर्छ । हामीमाथी उठ्ने हरेक प्रश्नको जवाफ हाम्रो कर्मले दिनुपर्छ ।

जसलाई ब्यंग्य गरिएको हो उसैले सुन्नुपर्छ, मनन गर्नुपर्छ भनेर राष्ट्र्का जिम्मेवार मान्छेका अगाडी ब्यंग्यात्मक देउसी खेल्न थालिएको हो । यदि हामीले आफ्नो ‘ब्यंग्य धर्म’ छोडेर भजन र भोजनतिर लाग्यौं भने तपाईंले हामीलाई सुझाव, सल्लाह र आलोचना गर्नुपर्छ । सधैं स्वीकार छ । सबै स्वीकार छ । सम्पूर्ण सुन्दर मनहरुलाई नमन् । शुभ दिपावली ।