१२ फाल्गुन २०७६, सोमबार ००:००

भारतमा ट्रम्पको सुरक्षाका लागि भारतमा १०८ वरिष्ठ प्रहरी अधिकारी सहित १२ हजार जवान तैनाथ (यस्तो छ तयारी)


काठमाडौं, फागुन १२ । अमेरिकी राष्ट्रपति डोनाल्ड ट्रम्पको भारत भ्रमणका क्रममा सुरक्षा प्रदान गर्न १०८ वरिष्ठ प्रहरी अधिकारी र १२ हजार जवान खटिने भएका छन् । अहेमदावादमा अमेरिकी राष्ट्रपति ट्रम्पलाई ३३ डेपुटी कमिसनर अफ पुलिस, ७५ असिस्टेन्ट कमिसनर अफ पुलिस र हजारौं प्रहरी जवानले सुरक्षा प्रदान गर्ने भारतीय समाचार संस्था एएनआईले जनाएको छ ।

फेब्रुअरी २४ मा हुने ट्रम्पको भारत भ्रमणका क्रममा सुरक्षा प्रदान गर्न ३३ डेपुटी कमिसनर, ७५ असिस्टेन्ट कमिसनर अफ पुलिस, ३०० पुलिस इन्सपेक्टर, एक हजार सब–इन्सपेक्टर, १२ हजार जवान र दुई हजार महिला प्रहरी खटाइने छन्, अहेमदावाद पुलिस कमिसनर आशिष भाटियाले भने ।त्यसैगरी तीन कम्पनी र्‍यापिड एक्सन फोर्स (आरएएफ) र सात कम्पनी ुक्‍विक रेस्पोन्स टिमु ९क्यूआरटी० समेत परिचालन गरिने भाटियाले बताएका छन् । त्यसैगरी १५ वटा बम निस्क्रिय युनिट र कुकुरसमेत परिचालन गरिने छन् । उनले थपे, थप सुरक्षाका लागि विशेष सुरक्षा समूह (एसपीजी), एयर फोर्स र अमेरिकी गुप्तचर सेवाका अधिकारीहरु पनि परिचालन हुनेछन् । गएराति खटिएको टोलीले केही शंकास्पद व्यक्तिहरुलाई नियन्त्रणा लिएको र उनीहरुको नाम गोप्य राखिएको भाटिएले बताएका छन् ।

ट्रम्प दुई दिने भ्रमणका लागि सोमबार अहेमदावाद ल्यान्ड गर्नेछन् । त्यसैगरी उनले आग्रा र नयाँ दिल्लीसमेत भ्रमण गर्ने कार्यतालिका रहेको छ ।