२० जेष्ठ २०७६, सोमबार ००:००

सिरियामा कार बम विस्फोट हुँदा ४ बालबालिकासहित १४ को मृत्यु


सिरिया, जेठ २०

सिरियाको अजाज सहरमा भएको कार बम विस्फोटनमा चार बालबालिकासहित १४ जनाको मृत्यु भएको छ। साथै अन्य २८ जना घाइते भएको विभिन्न अन्तर्राष्ट्रिय सञ्चार माध्यमहरुले जनाएको छ । आइतवार राति भएको उक्त कार बम विस्फोटनबाट अधिकांस सर्वसाधारणहरु रहेको छ । बम सहरको मध्यभागमा रहेको मस्जिद नजिकै इफ्तारका दौरान विस्फोट भएको हो ।

त्यस्तै आइतवार राति नै इजराइलले सिरियामा गरेको क्षेप्यास्त्र आक्रमणमा १० जनाको मृत्यु भएको छ । सिरियाले इजराइली भूमिका रकेट आक्रमण गरेपछि इजरायलले जवाफी कारवाही गरेको बेलायती निगरानी संस्था सिरियन अब्जर्वेटरी फर ह्युमन राइट्सले बताएको छ। उक्त आक्रमण मारिनेहरू पाँच नागरिक र पाँच सैनिक छन् । एजेन्सी