काठमाडौं, माघ ३०

स्पेनका लागि नेपाली राजदूत दावा फुटी शेर्पाले संयुक्त राष्ट्र संघको विश्व पर्यटन स‌ंगठन (युएनडब्ल्युटिओ) का महासचिव जुरब पोलोलिकाशभिलीलाई आफ्नो ओहोदाको प्रमाण पत्र बुझाउनुभएको छ ।

प्रमाण पत्र बुझाएसँगै रादजूत शेर्पाले नेपालले युएनडब्ल्युटिओलाई पूर्ण समर्थन गर्ने बताउनुभयो । उहाँले कोभिड– १९ को महामारीले विश्वभर पर्यटनको क्षेत्रमा परेको प्रभावलाई पुन सुधार गर्न नेपालले सहयोग गर्ने प्रतिवद्धता जनाउनुभयो ।

राजदूत शेर्पाले महासचिव पोलोलिकाशभिलीको रिस्टार्ट एन्ड रिथिङ्कु भिजनको सराहना गर्दै नेपालमा पनि लागू हुने बताउनुभयो । युएनडब्ल्युटिओमा आवद्ध भएसँगै राजदूत शेर्पालाई बधाई दिँदै महासचिव पोलोलिकाशभिलीले नेपालको पर्यटन विकासको क्षेत्रमा युएनडब्ल्युटिओले विभिन्न कार्यक्रम गर्ने विश्वास व्यक्त गर्नुभयो ।